Fáilte chuig cúrsa saor in aisce ar líne Elements of AI!
Bí linn agus na 1 mìlean duine eile a bhíonn ag foghlaim faoi na bunrudaí a bhaineann leis an intleacht shaorga
Is í an sprioc atá againn an mhistéir a bhaint den intleacht shaorga
Is sraith cúrsaí saor in aisce ar líne é Elements of AI arna gcruthú ag MinnaLearn agus ag Ollscoil Heilsincí. Is mian linn spreagadh a thabhairt dá oiread daoine agus is féidir chun a fhoghlaim céard is intleacht shaorga ann, céard is féidir léi a dhéanamh (agus céard nach féidir) agus conas a thosú ag cruthú modhanna intleachta saorga. Tá an teoiric agus cleachtaí praiticiúla fite fuaite sna cúrsaí agus is féidir iad a chríochnú ar do luas féin.
Cuid 1
Treoir eolais ar an Intleacht Shaorga
Is cúrsa saor in aisce ar líne é Treoir Eolais ar an Intleacht Shaorga le haghaidh gach duine a bhfuil suim acu i bhfoghlaim céard is intleacht shaorga ann, céard is féidir léi a dhéanamh (agus céard nach féidir) agus cén tionchar a imríonn sí ar ár saol – gan mata nó ríomhchlárú casta ag teastáil.
Ár scéal go dtí seo
In earrach 2018, tháinig MinnaLearn agus Ollscoil Heilsincí le chéile chun cuidiú le daoine le go mbeadh an intleacht shaorga ina huirlis chumhachtaithe seachas ina bagairt dóibh. Ag obair i gcomhar, chuir siad an cúrsa Elements of AI le chéile chun na bunrudaí a bhaineann leis an intleacht shaorga a mhúineadh do dhaoine ó raon leathan cúlraí.
1 mìlean dalta
Tá 1 mìlean dalta cláraithe.
170 tír
Scaipeadh an cúrsa ar fud an domhain, agus tá an cúrsa déanta ag daltaí ó bhreis agus 170 tír.
40% mná
Is mná iad thart ar 40% de rannpháirtithe an chúrsa, níos mó ná dhá oiread meánlíon na mban i gcúrsaí ríomheolaíochta.
Ceisteanna coitianta
Comhpháirtithe
Coláiste na hOllscoile Corcaigh
Institiúid a bhfuil mórchuid gradam buaite aici is ea Coláiste na hOllscoile Corcaigh. Tá stair 175 bliain de mhachnamh neamhspleách ag an ollscoil. Bhí George Boole, matamaitceoir agus fealsamh ina chéad ollamh le matamaitic in COC (1849). Aithnítear loighic Boole go forleathan mar bhunús na Ré Teicneolaíochta.
Tá níos mó ná 21,000 mac léinn ag freastal ar COC agus suas le 3,000 duine ag obair anseo. Cúis mhórtais do COC é go bhfuil sé ar cheann d’ollscoileanna ceannródaíocha ar fud an domhain mar thoradh ar an tionchar a imríonn a chuid taighde ar chúrsaí inbhuanaithe. Tá sé rangaithe sa chéad 2% d’ollscoileanna domhanda.